Избрани најдобрите творби од ликовниот конкурс за детски цртежи

Рудник САСА избра 12 од најдобрите цртежи кои беа пријавени на отворениот ликовен конкурс за детски цртежи со илустрации поврзани со работењето на рудникот и неговото значење за семејството и заедницата.

На конкурсот беа пријавени вкупно 68 ликовни творби од деца на возраст од 5 до 15 години кои живеат на територијата на општина Македонска Каменица, како и од деца на вработените во САСА.

Избраните 12 цртежи ќе бидат искористени како илустрации за календарот на САСА за 2023 година, а останатите пристигнати цртежи ќе ги красат новогодишните честитки што ќе бидат испратени на вработените, соработниците и партнерите на Рудник САСА.

Беше навистина тешко да се изберат најдобрите, затоа што сите цртежи кои пристигна се убави и прекрасно го покажуваат начинот како децата ја гледаат САСА и значењето што има рудникот за нив, за нивните семејства и за целата заедница. На сите деца, од срце им благодариме за нивниот вложен труд во изработка на цртежите и ги охрабруваме и понатаму да го развиваат својот талент.