Јаловиштата имаат потенцијал да бидат едни од најзначајните безбедносни ризици и ризици по животната средина во рударската индустрија. Ние сме посветени на минимизирање на ризиците осигурувајќи се дека нашите објекти се проектирани, изградени, управувани и одржувани согласно најдобрите индустриски практики и стандарди.
Како дел од нашата стратегија за управување со управување и раководење со јаливишните брани, ги имаме следните процеси, кои се усогласени со GISTM:

​

• Одговорно извршно лице – CAML го назначи својот Главен Извршен Директор како Одговорно Извршно лице, кое е одговорно за безбедноста на јаловиштата и избегнување или минимизирање на општествените последици и последиците по животната средина при колапс на јаловиште.

• Одговорното лице – Во Саса назначивме Одговорен Инженер за Јаловиште (‘RTFE’), за да обезбеди сопственост и соодветно управување со Јаловиште. Одговорниот инженер за Јаловиште се консултира со Инженерот за евиденција (‘EOR’), Одговорното Извршно лице, како и со интерните тимови за операции, регулаторни работи, социјални активности и животна средина. Одговорниот Инженер за Јаловиште е соодветно квалифицирано и искусно лице со постојано работно место во рудникот.

• Инженер за евиденција – назначивме независен и соодветно квалифициран, искусен и лиценциран Инженер за Евиденција. Инженрот за Евиденција е одговорен за  проектирањето на Јаловиштето и обезбедува постојана поддржка во работењето и во текот на животниот век на Јаловиштето.

• Инспекции– Јаловиштата регуларно и секојдневно се проверувани од страна на наш соодветно квалифициран оперативен персонал. Дополнително, надворешен независен Инженер за Јаловина е одговорен за следење, преглед и известување за нашите Јаловишта на месечно ниво. Независниот Инженер за јаловина составува месечен извештај и ги презентира наодите на нашиот менаџмент и на Комисијата за Стабилност на Јаловиште. Клучни аспекти за разгледување:

  • • Нивоа на вода во пиезометрите во зидот на браната

    • Стапката на проток од дренажите на јаловиштата и квалитет на вода

    • Геодетски мерења

    • Анализа на гранулометрискиот состав на производите од циклоните

    • Висина на круната на браната во однос на нивото на водата во таложното езеро и т.н

    • Агол на косината на браната во однос на проектираната

• Комисија за стабилност на јаловиште– Комисијата има месечни состаноци на кои учествуваат членови од Оперативниот тим на Јаловиште, Инженер за Евиденција, Одговорен Инженер за Јаловиште, Независниот Инженер за Јаловиште, Технички Директор, Раководител на служба за Животна Средина на чело со нашиот Генерален Директор. Надлежност на Комисијата е да ги прегледува податоците од мониторингот на Независниот Инженер за Јаловина и други клучни аспекти од управувањето со Јаловиште вклучувајќи ја усогласеноста со GISTM.

• Независни проверки – Независни проверки на објектите се спроведуваат на годишно ниво, за да се процени дали дизајнот, изградбата и работењето на објектот ги исполнуваат меѓународните стандарди за најдобри практики. Проверката исто така ќе обезбеди препораки за намалување на ризиците поврзани со Јаловиштата во иднина. Резултатите од проверката и прогресот на имплементација на било која препорака се пренесуваат до Одборот на Директори преку нашите месечни состаноци на Комисијата за Одржливост.